Ina maioritad dal Cussegl naziunal è s’exprimida da surdar las cumpetenzas necessarias al Cussegl federal per che lez possia ratifitgar il protocol correspundent senza ulteriuras premissas. Il Cussegl federal sez aveva declerà da vulair ratifitgar il protocol pir cura ch'il conflict da normas tranter la constituziun svizra e la cunvegna da la libra circulaziun è schlià.
Il Cussegl dals chantuns ha decidì da francar explizitamain questa cundiziun en la decisiun dal parlament. Uschia vul la chombra pitschna impedir ch'il Cussegl federal dat suenter al squitsch da la perscrutaziun e ch'el ratifitgescha la finala tuttina il protocol avant ch'il problem è schlià. En il Cussegl naziunal n' ha questa proposta dentant chattà nagina maioritad.
La fatschenta va enavos en il Cussegl dals chantuns.
RR novitads 11:00