Cussegl naziunal - Cuntraproposta a l'iniziativa da tgira - Novitads

Cussegl naziunal Cuntraproposta a l'iniziativa da tgira

Il Cussegl naziunal vul investir en la furmaziun da professiuns da tgira. Tenor il sboz da lescha duain ils chantuns, ils ospitals e chasas da tgira far perscripziuns concretas davart il dumber da las plazzas da furmaziun. Latiers duai la Confederaziun sustegnair finanzialmain ils chantuns.

Autur: SDA / Hugo Schär

L'offensiva da furmaziun duai motivar persunas a quests studis, malgrà pli pauca paja.

Il sboz da lescha è ina cunterproposta indirecta a l'uschenumnada iniziativa «Per ina ferma tgira». Cun quella vul la «Federaziun professiunala dal persunal da tgira» evitar ina mancanza da persunal. I duai vegnir fixà en la constituziun che Confederaziun e chantuns promovian la tgira sco element impurtant dal provediment da sanadad. Cun 107 cunter 82 vuschs propona il Cussegl federal in «na» a l'iniziaitiva.