Siglir tar il cuntegn

Header

cuntegn

Cussegl naziunal Cussegl naziunal vul reducir l’imposta sin bindas e tampons

Il Cussegl federal vul sbassar la taglia per products d’igiena per la menstruaziun da las dunnas da 7,7% sin 2,5%. Il Cussegl naziunal discutescha sco emprima chombra en chaussa en connex cun la revisiun da la taglia sin plivalur.

Cun 107 vuschs cunter 70 e 7 abstensiuns ha il Cussegl naziunal decis sco emprima chambra da vulair reducir l’imposta sin products sco bindas e tampons. Nov duai valair l’imposta reducida da 2,5% per ils products – quella reducziun vaglia per chaussas dal mintgadi. Per bindas e tampons stoppians oz numnadamain pajar ina imposta normala da 7,7%. La discussiun ha gì lieu en il rom da la revisiun da la legia da l’imposta sin plivalur. Sco proxim sto anc il Cussegl dals stadis debattar. Be sche la chambra pitschna dad era il consentiment vegn l’imposta sbassada definitivamain.

La politicra grischuna Anna Giacometti (PLD) ha era sustegnì la proposta dal Cussegl federal. Sco dunna hajan ins da basegn tals products ed i na saja betg gist ch’ins stoppia pajar mintga mais talmain bler per quels. Per Mauro Tuena (PPS) è la discussiun enturn il tampuns polemica e politica da simbol. Sche stoppian ins reducir per exempel era ils artitgels per far la barba ch'ils umens dovran mintga di.

audio
Reducziun da taglia per products d'igiena
aus Actualitad vom 10.05.2022.
abspielen. Laufzeit 3 minutas 3 Sekunden.

Auters pajais han gia reducì custs

Auters pajais sco la Germania han gia reducì la taglia sin tampuns e bindas. Eliminà dal tuttafatg la taglia han per exempel l’Australia, il Canada, la Tansania u la Kenia. En Svezia è vegnì decidì che tut ils products èn perfin gratuits per las dunnas.

Dentant dad eliminar dal tut la taglia u da regalar ils products na sustegna ni Mauro Tuena ni Anna Giacometti. Ins stoppia era pajar per mangiativas taglia, uschia l’argumentaziun.

RTR actualitad 12:15 ;

Artitgels legids il pli savens

Scrollar a sanestra Scrollar a dretga