Dapi l’entschatta dal 2019 pon estras ed esters vegnir exiliads sch’els survegnan agid social. Uss vul ina maioritad da la cumissiun da las instituziuns politicas dal Cussegl naziunal adattar questa regulaziun.
Da nov duajan esters ed estras che vivan dapi passa 10 onns en Svizra e che retiran senza atgna culpa agid sozial, betg pli dastgar vegnir bandischads ord la terra per quest motiv. «Senza atgna culpa» munta en quest connex sch'els èn vegnids malsauns, han gì in accident u sch'els han pers la plazza da lavur.
La Partida socialdemocratica ha fatg questa proposta. Ella pretenda che la lescha federala davart ils esters e l'integraziun vegnia adattada en quest senn. Sco proxim vegn la cumissiun ch'è responsabla en il Cussegl dals stans a s'occupar da questa dumonda.
