Siglir tar il cuntegn

Header

audio
Iniziativa per eleger derschaders federals entras lotteria
Or da Actualitad dals 03.03.2021.
laschar ir. Durada: 4 minutas 15 Secundas.
cuntegn

Cussegl naziunal Emprima debatta mussa pauc sustegn per l'iniziativa da giustia

Co emprima chombra ha il Cussegl naziunal oz debattà davart l’iniziativa da giustia. Era sche la debatta na è anc betg a fin, na para l’iniziativa dad avair schanzas.

L'iniziativa ha ina greva situaziun da partenza. Il tenor suenter l'emprima debatta mussa che per tut las partidas è l'iniziativa memia radicala. Per la maioritad dal Cussegl naziunal n'ha il sistem da casualitad per eleger ils derschaders e las derschadras federalas nagina legitimaziun democratica. Oz è quella numnadamain avant maun causa che l'assamblea federala elegia las derschadras ed ils derschaders. Cun eleger per lottaria fiss betg pli garantida la diversitad: saja quai danunder che ils derschaders vegnan ni tge lingua che las derschadras discurran.

Dentant concedan parlamentarias e parlamentaris che il sistem na saja betg perfetg. Era la dumonda da la reelecziun suenter sis onns duai vegnir debattada u ina limita dal temp d'uffizi. En la debatta datti duas minoritads da la sanestra che vulan ina cuntraproposta cun megliuraziuns dal sistem. Dentant era quellas na paran betg da chattar avunda sustegn. Tranter auter perquai che moziuns a reguard èn anc pendentas.

Era sche las decisiuns en la chombra gronda vegnan tratgas mardis, èsi gia uss cler che l’iniziativa vegn probabel refusada cleramain.

Quai vul l'iniziativa

Avrir la box Serrar la box
Legenda: Keystone

Derschaders federals vegnan elegids dal parlament. Per Adrian Gasser ch'ha lantschà l’iniziativa da giustia in sbagl fatal. Cun il sistem dad oz saja la giudicativa il bratsch pli lunsch da la legislativa, argumentescha l’iniziant. Vul dir che sch’ins vul daventar derschader u derschadra federala ston ins esser commember u commembra dad ina partida per avair ina schanza.

Cun l'iniziativa vul l’interprendider Adrian Gasser rumper quella dependenza. Uschia duai ina cumissiun independenta controllar las annunzias per quai post e suenter duai vegnir tratg la sort tranter las meglras annunzias. Tenor l’iniziant fiss uschia la tscherna dals derschaders e las derschadras federalas pli objectiva.

RTR actualitad 17:00

Artitgels legids il pli savens