Grazia a la lescha approvada dal Cussegl naziunal cun 115 cunter 68 vuschs pon las stizuns vender lur rauba durant ils dis da l'emna tranter las 6 e las 8 da la saira e la sonda tranter las 6 a bunura e las 6 da la saira. La midada da la lescha era dispitaivla quai cunzunt perquai ch’il Cussegl dals chantuns aveva anc decis l’atun passà cunter ina lescha per laschar avert pli ditg las stizuns.
Cumbinar meglier famiglia e lavur
Il minister da l’economia Johann Schneider-Ammann è s’exprimi en favur da questa lescha nova. Tenor Scheider-Ammann gida la lescha nova er a cumbinar meglier la lavur e la famiglia. La cumpatibilitad dal commerzi en detagl vegnia cumpareglia cun l’exteriur rinforzada, ed uschia possia quai er vegnir fatg frunt cunter il turissem da cumpra. La lescha va uss enavos en il Cussegl dals chantuns.
RR novitads 17:00