La lescha d'abitaziuns secundaras è rectifitgada. Il Cussegl naziunal ha liquidà las ultimas differenzas. Uschia è fixà nua e sut tge circumstanza ch'i astga anc vegnir construì abitaziuns da vacanzas.
Dapi l'entschatta dal 2013 vegn la lescha realisada sin fundament d'ina ordinaziun provisorica dal Cussegl federal. Ussa èn las reglas novas fixadas. Questas dattan a las passa 400 vischnancas pertutgadas dapli spazi d'agir per lubientschas da bajegiar.
Cura che la lescha va en vigur decida il Cussegl federal. La finamira saja sin l'entschatta dal 2016.