Siglir tar il cuntegn
cuntegn

Svizra Cussegl naziunal: Reducir CO2, però senza cumpart lianta

La Svizra duai reducir las emissiuns da gas da serra fin il 2030 per 50% cumpareglià cun il nivel dal 1990. Dispitaivel resta però, nua exact reducir.

sala cussegl naziunal
Legenda: Cun 97 encunter 95 vuschs (1 abstenziun) ha il Cussegl naziunal decidì da betg francar ina cumpart concreta per mesiras en l'intern u en l'exteriur. Keystone

La Svizra duai smesar las emissiuns da gas da serra fin il 2030 – cumpareglià cun il nivel dal 1990. Quai ha decis il Cussegl naziunal tar la debatta davart la lescha da CO2. Uschia suonda el la proposta dal Cussegl federal.

Auter ch'il Cussegl federal vul la chombra gronda pussibilitar che la gronda part vegn reducida cun cumprar certificats d'emissiuns en l'exteriur. Cun 97 cunter 95 tar 1 abstenziun ha il Cussegl naziunal decidì da betg francar ina cumpart fixa da reducir en Svizra en la lescha. Il Cussegl federal percunter vuleva fixar che 60% da la reducziun saja da far cun mesiras en l'intern.

RR novitads 11:00