Siglir tar il cuntegn

Header

cuntegn

Svizra Cussegl naziunal refusa preventiv

Surtut la PPS e las partidas da sanester han votà cunter la proposta per il budget 2017. Uss sto il Cussegl federal anc ina giada surlavurar il preventiv.

Suenter ina debatta da dus dis ha il Cussegl naziunal refusà il preventiv, e quai cun 113 cunter 77 vuschs. Sch'il Cussegl dals chantuns refusa medemamain glindesdi proxim quest preventiv, lura sto il Cussegl federal anc ina giada ir sur ils cudeschs. Il medem vala dentant er sche la chombra pitschna accepta il budget ed il Cussegl naziunal insista sin sia posiziun.

Propostas da spargn da la PPS

La Partida populara svizra ha probabel refusà il budget perquai che sias propostas per spargnar per part radicalas n'han betg chattà ina maioritad en il Cussegl naziunal. La Partida socialdemocratica n'era probabel betg cuntenta perquai che bleras spartas stoppian patir malgrà ch'il Cussegl haja refusà talas propostas da spargn rigurusas. Tranter auter han dumondas per scursanir il Parlament federal gì success.

RR novitads 14:00

Artitgels legids il pli savens