Siglir tar il cuntegn

Header

Navigaziun

Legenda: Tadlar il audio Mezdi: Debatta – revisiun lescha davart contracts da segiradas. Durada 03:34 minutas.
03:34 min, Actualitad dals 09.05.2019.
cuntegn

Svizra Cussegl naziunal stritga tscherts privilegis da las assicurranzas

Sanestra ed uniuns da consuments smanatschan vinavant cun referendum.

Il Cussegl naziunal ha mitigià las midadas planisadas da la lescha davart il contract d'assicuranza. Tar la discussiun dal project ha el tranter auter stritgà il dretg da las assicuranzas da pudair midar las cundiziuns dal contract senza ch’il client è d’accord.

Era pajar tar malsogna ed accident

Stritgà ha la Chombra gronda era in passus che vuleva dar a las assicuranzas il dretg da restrenscher u perfin stritgar lur prestaziuns en cas d’accident u malsogna.

Ina meglieraziun impurtanta ord vista dals consuments è la pussaivladad da pudair revocar in contract entaifer 14 dis. Ina maioritad center-sanestra dal Cussegl naziunal ha perfin pudì francar quel dretg per midadas relevantas dal contract da l’assicuranza.

Smanatscha da referendum resta

La proposta che vegn tractada oz en il Cussegl naziunal è la segunda emprova da modernisar la lescha che datescha dal 1908. Avant sis onns aveva la proposta per ina revisiun totala da la lescha fatg naufragi. Ad ina maioritad burgaisa gieva la protecziun dals consuments memia lunsch.

RR actualitad 12:00