Siglir tar il cuntegn

Header

Navigaziun

Transporter da pesticids
Legenda: Keystone
cuntegn

Cussegl naziunal Tramess iniziativas da pesticids per l'aua giù

Il Cussegl naziunal manegia bain ch'ils purs dovrian memia blers pesticids ed antibiotica. Co reducir quels n'è per la maioritad dentant betg cler – perquai datti in NA a l'iniziativa per ina Svizra senza pesticids sintetics sco er in NA a l'iniziativa per aua da baiver netta.

Suenter lunga discussiun ha il Cussegl naziunal decis la gievgia da dir NA ad omaduas iniziativas che vulevan dapli ecologia en l'agricultura:

  • NA cun 130:58 vuschs a l'iniziativa per aua da baiver netta – che vul conceder subvenziuns be a quels purs che desistan dad antibiotica e pesticids.
  • NA cun 131:54 vusch a l'iniziativa per ina Svizra senza pesticids – che pretenda in scumond da pesticids sintetics en la producziun agricula, tar la fabricaziun da products agriculs sco er tar la tgira da la cuntrada.

Las duas varts: Economia cunter ecologia

Debattà è vegnì surtut or da duas posiziuns. Tenor il president da l’uniun purila Markus Ritter (PCD) sa drizzian las iniziativas cunter l'economia:

Entras las iniziativas pudessan ils pretschs per ils consuments crescher. Plinavant stuess l'agricultura quintar cun perditas tar la racolta.
Autur: Markus RitterCusseglier naziunal da la PCD

Per ils aderents da las iniziativas percunter vegnia simplamain fatg memia pauc per reducir il diever da pesticids ed antibiotica. La pazienza cun ils purs saja plaunet a fin, ha ditg la cussegliera naziunala Tiana Moser (PVL).

Il facit: duas giadas NA e nagina cuntraproposta

Er per blers comembers da la PS e dals Verds èn las duas iniziativas memia severas – els vulevan perquai laschar elavurar ina cuntraproposta. Senza success. Il Cussegl naziunal ha refusà quai cun 111:78 vuschs.

Er il Cussegl federal aveva ditg NA, tant a las iniziativas sco er a las cuntrapropostas. Sco proxim decida il Cussegl dals chantuns en chaussa.

RR novitads 14:00