Cun 105 cunter 81 vuschs (8 abstenziuns) ha il Cussegl naziunal sustegnì ina moziun da sia cumissiun da furmaziun (WBK). La moziun vul curreger la mancanza da spezialists en plirs secturs. Tenor il president da la WBK, Christian Wasserfallen (PLD, Berna), dovri dapli meds finanzials per cuntanscher quella finamira.
Rinforzar furmaziun professiunala e da scolas autas
Ins vul cunzunt rinforzar la furmaziun professiunala auta, la matura professiunala e la scolaziun da creschids. Latiers planisesch'ins posts per academichers giuvens e plazs da studi supplementars per la medischina umana.
PS pro, PPS contra la moziun
La moziun per dapli daners vegn sustegnida da vart sanestra. Jean-François Steiert (PS, Friburg) ha ditg che la Confederaziun na dastgia betg perder sia credibilitad envers ils chantuns e stoppia perquai tegnair sias empermischuns finanzialas.
Auter tuni da vart da la PPS. Jean-Pierre Grin (PPS, Vad) ha argumentà ch’il Cussegl federal na duai betg vegnir sfurzà dad augmentar ils daners per la furmaziun. Grin è uschè dal medem parairi sco il Cussegl federal.
RR novitads 11:00