Svizra - Cussegl naziunal vul dapli guardias da cunfin
Il corps da la guardia da cunfin en la Svizra orientala duai survegnir dapli persunal. Quai almain tenor il Cussegl naziunal che ha approvà ina moziun dal 2014 dal cusseglier naziunal da Walter Müller (PLD/SG).
La moziun pretenda dapli persunal perquai ch'il schef dal corps ha ditg en la cumissiun da segirtad, che la Svizra orientala vegnia negligida. Il Cusseglier federal Ueli Maurer ha replitgà che la guardia da cunfin saja adina là il pli preschent, nua ch'il privel saja il pli grond.
Il 2014 eri quai il Tessin. Actualmain saja il corps pli preschent als cunfins dal nord ed ost.
