Siglir tar il cuntegn

Header

Navigaziun

Il Cussegl naziunal suonda al Cussegl federal: firmas privatas duain pudair dar ora las E-IDs.
Legenda: Il Cussegl naziunal suonda al Cussegl federal: firmas privatas duain pudair dar ora las E-IDs. Keystone
cuntegn

Svizra Cussegl naziunal vul identitad digitala renconuschida

Il Cussegl naziunal di gea a l'identitad electronica uffiziala. La uschenumnada E-ID duai esser ina carta d’identitad en furma electronica.

Ina identificaziun correcta en l’internet saja adina pli impurtanta argumentescha il Cussegl federal. Era il Cussegl naziunal suttastritga quai. Cun 128 a 48 vuschs ha el ditg GEA a la lescha federala davart servetschs electronics per l'identificaziun.

L’identitad duess pudair vegnir duvrada per cumprar bigliets online, per cumprar rauba sur l’internet u per l'identificaziun tar purschidas da la confederaziun (E-Gouvernament).

Dar ora la E-ID duessan firmas privatas, uschia ha il Cussegl naziunal decis suenter ina debatta che ha dura l'entir suentermezdi.

La controlla duess però restar tar il stadi. Vul dir, el è responsabel, che l’identitad è correcta e na po betg vegnir barattada. Identitads faussas duain uschia vegnir evitadas. La dumonda da las E-ID’s va sco proxim en il Cussegl dals chantuns.

RR novitads 20:00