Siglir tar il cuntegn
cuntegn

Svizra Cussegl naziunal vul lescha da daners da potentats main severa

Bloccar e restituir daners da dictaturs: quai duai en l’avegnir succeder tenor in solid fundament legal. La chombra gronda vul dentant sminuir il circul da las persunas pertutgadas ed instradar in termin da surannaziun.

Daners da potentats duain pudair vegnir bloccads e restituids pli spert.
Legenda: Daners da potentats duain pudair vegnir bloccads e restituids pli spert. Keystone

Daners d'uschenumnadas persunas «exponidas politicamain» duain pudair vegnir bloccads e restituids pli spert. Il Cussegl naziunal ha approvà la lescha correspundenta. I va per exempel per la facultad da dictaturs cupitgads u represchentants da regenzas autoritaras.

Daners che quels han mess da la vart illegalmain duain plinavant pudair vegnir restituids a moda pli simpla als stadis pertutgads. Il Cussegl naziunal vul dentant ch'ils daners na vegnian betg incassads, sch'ils crims d'in potentat èn surannads. Il Cussegl federal aveva proponì da betg resguardar la surannaziun en connex cun daners da potentats.