La finamira da la refurma è che la Svizra daventa pli attractiva per il martgà da chapital ester. La refurma vul numnadamain stritgar per gronda part la taglia anticipada per tschains da spargn aifer la Svizra. En pli vul il Cussegl naziunal stritgar la taxa da svieuta sin obligaziuns svizras.
Per la plazza economica Svizra saja da muntada centrala da refurmar la taglia anticipada, uschia la maiortitad dal Cussegl naziunal. Sa dustads cunter ina tala refurma èn la Partida socialdemocratica sco er ils Verds. Per las partidas sanestras saja quai in «regal da taglia per fatschentas». Però lur proposta da refusar la refurma è vegnida survuschada dals burgais.
Il Cussegl dals chantun sto anc decider en chaussa.