Purtar mascras en il traffic public duai daventar obligatoric. Quai pretenda il cussegl svizzer dals seniors. En trens, bus e trams saja il privel grond da s'infectar damai che las reglas da distanza na possian savens betg vegnir resguardadas.
Purtar mascras en traffic public duai esser cler
Las cifras da novas infecziuns da Covid-19 sajan dapi emnas bassas. Tuttina dettia anc mintga di novas infecziuns. E malgrà las recumandaziuns instantas da purtar mascras en il traffic public na sa tegnia la gronda part dals viagiaturs betg vida quai. Tenor il cussegl dals seniors duai il purtar mascras en il traffic public, sco en ils pajais vischins, er sa chapir en Svizra da sa sez.
