Siglir tar il cuntegn

Header

cuntegn

Cussegliaziuns Pro Juventute Bunamain dubel uschè bleras cussegliaziuns da suicidi

La fundaziun per uffants e giuvenils Pro Juventute ha nudà durant l'onn da pandemia 2021 bunamain dubel uschè bleras cussegliaziuns da suicidi sco avant la pandemia. Set persunas contacteschian per di il numer 147. Giuvenilas e giuvenils sajan cumpareglià cun autras gruppas da vegliadetgna las persunas las pli pertutgadas psichicamain da las consequenzas da la pandemia, uschia ha communitgà Pro Juventute. Avant la pandemia eran trais enfin quatter cussegliaziuns per di davrt il tema suicidi, quai è in augment da 40%.

Dapli cas da crisa e temas da l'avgnir

Er uschè numnads cas da crisa sajan s'augmentads. Uschia haja enfin la fin da settember dà en tut 98 cas d'intervenziun da crisa cun polizia ubain sanitad, scriva la Pro Juventute. Il 2020 eran quai 96 cas ed il 2019 en tut 57 cas. Plinavant sajan ils giuvenils e las giuvenilas preoccupadas quai che pertutgia l'avegnir, per exempel la tscherna da professiun. Er quellas cussegliaziuns hajan prendò tiers il 2020, per bunamain in quart.

Sco la Pro Juventute scriva na saja quai betg be ina consequenza da la pandemia da corona mabain er in resultat da mancos generals pertutgand la sanadad psichica d'uffants e giuvenils. I saja perquai necessari da metter dapli pais sin la sanadad psichica e metter a disposiziun ressursas e perschudas, uschia per exempel en il context da scola.

Ord l'archiv

video
Minisguard dals 10.10.2020
Or da Minisguard dals 10.10.2020.
laschar ir. Durada: 10 minutas 19 Secundas.

Artitgels legids il pli savens