L'augment declera el cun la malsegirezza en ed enturn l'Europa, da l'attatga a Nizza fin a l'emprova da putsch en la Tirchia. Adina dapli Svizzers e Svizras tschertgan il cussegl avant che partir en vacanzas en l'exteriur. Las dumondas vegnan per gronda part per telefon ni era per mail. Savens vegnan dumondas er en connex cun viadis organisads da biros da viadi perquai ch'ina annulaziun vegn en blers cas be pajada sche l'EDA ha scusseglià dal viadi.
La helpline ha l'EDA endrizzà avant tschintg onns, dapi lura crescha il dumber da dumondas cuntinuadamain. Dapi il cumenzament da l'onn ha l'EDA registrà 18% dapli dumondas cumpareglià cun il 2015. Fin la fin da quest onn spetga il Departement federal per affars exteriurs cun radund 65'000 dumondas.
RR novitads 09:00