Chantuns e vischnancas stoppian pajar adina dapli vi dals custs da tgira. Quai mussa in studi che la Conferenza dals directurs e da las directuras da sanadad dals chantuns han laschà far.
Cun integrar las prestaziuns da spitex sco era ils custs da las chasas da tgira en il project da la finanziaziun da sanadad, pudess ins meglierar la situaziun per ils chantuns. Sut questa cundiziun fissan ils chantuns era pronts da sustegnair il project. Finamira dal project da finanziaziun èsi, da chattar in nov model per repartir ils custs da sanadad tranter ils chantuns e las cassas da malsauns.
Tenor la Conferenza dals directurs e da las directuras da sanadad dals chantuns prenda il Cussegl federal posiziun fin la fin d’avust davart il project. Quel vegn probabel lura tractà dal Cussegl naziunal en la sessiun d’atun. Na vegn betg decidì sco ils chantuns pretendan, smanatschan quels cun in referendum.
Ord l'archiv:
RR novitads 12:00