Custs da sanadad creschan vinavant

Tenor il KOF s'augmentan ils custs ils proxims onns per en media 4%.

Ina persuna vegn preparada per ina operaziun. Bild in Lightbox öffnen.

Legenda da maletgs: Adina dapli operaziun vegnan fatgas a moda ambulanta. Keystone

E quai malgrà ch'il Cussegl federal ha decidì mesiras per sbassar ils pretschs per ils medicaments ed ina refurma dal Tarmed, dals custs per mesiras ambulantas. Ina raschun ch'i giaja era vinavant ensi culs custs sajan las pajas pli autas dal persunal da sanadad e dals medis.

Populaziun pli veglia custa dapli

In'autra raschun vesan ils spezialists dal KOF tar la populaziun che vegnia adina pli veglia. Tenor il studi creschan ils custs da sanadad da persunas che han cuntanschì la vegliadetgna da pensiun a moda exponenziala. Vegn vitiers che adina dapliras operaziuns vegnan fatgas a moda ambulanta, vul dir ch'il pazient sa puspè turnar a chasa e na sto betg star en l’ospital. Auter che tar las operaziuns staziunaras en l’ospital, nua ch'il chantun surpiglia bunamain la mesadad dals custs, han las cassas da malsauns e cun quai ils paja-premias da surprender tar operaziuns ambulantas tut ils custs.

RR actualitad 12:00