Siglir tar il cuntegn

Header

Navigaziun

cuntegn

Custs da sanadad Nagin pajais europeic dat or tant sco la Svizra per la sanadad

12,25% dal product interiur brut ha la Svizra impundì il 2016 per la sanadad. Quai èn passa 2 puncts procentuals dapli che la media da l’Uniun europeica, scriva l’Uffizi europeic da statistica Eurostat. Dà or il segund bler per la sanadad han ils Franzos cun 11,5%. Il pli pauc la Rumenia cun 5%.

In'auta cumpart als custs da sanadad han er gì la Germania (11,1%), la Svezia (11%) e l'Austria (10,4%). En 12 pajais da l'Uniun europeica han regenza e burgais dà or pli pauc che 7,5% per la sanadad: Irlanda, Croazia, Ungaria, Tschechia, Slovachia, Cipra, Lituania, Pologna, Estonia, Lettonia, Luxemburg e la Rumenia.

Midadas da pretsch han gronda influenza

Ils custs bass en il Luxemburg sa laschian dentant declerar entras l'aut nivel dal product interiur brut dal pajais, declera Eurostat sia nova statistica. Midadas da pretsch influenzeschan tant ils custs da sanadad sco er il product interiur brut. Sch’ins metta en relaziuns omadus indicaturs èsi pussaivel da relativar las consequenzas da l’inflaziun fin in tschert punct.

Ord l'archiv:

Legenda: Guardar il video Nossa sanadad custa adina dapli. Durada 00:50 minutas.
Or da Nouvo RTR dals 28.09.2017.

RR novitads 09:00