Ristgs terroristics
Ella na chapeschi betg ch'ins pretendi d'ina minoritad religiusa ch'ella stoppia proteger sa sezza, ha ditg Keller-Sutter avant las 92 delegadas e delegads da 16 vischnancas commembras da la SIG. Instituziuns giudaicas e muslimas sajan expostas a ristgs terroristics. Vitiers vegnia il privel da l'extremissem violent. Uschia ha Karin Keller-Sutter crititgà quests chantuns che sa tegnian enavos cun contribuir als custs da segirtad.
Mez avrigl aveva il Cussegl federal augmentà il sustegn e pussibilità a las instituziuns religiusas d'era far valair ils custs da segirtad currents.
Quità pervi da la guerra
Areguard la guerra en l'Ucraina ha la Karin Keller-Sutter ludà la solidaritad ed ha engrazià per l'engaschi da la communitad giudaica. Il president da la SIG Ralph Lewin ha exprimì grond quità durant ses pled d'avertura da la radunanza. La communitad giudaica n'haja betg emblidà si'atgna istorgia da fugia ed haja uschia bler empatia per las fugitivas ed ils fugitivs or da l'Ucraina.