Siglir tar il cuntegn

Header

cuntegn

Custs da stgaudament Nagliur en Europa uschè paucs quitads sco en Svizra

6,9% da la populaziun en l'Europa n'han il 2019 betg pudì sa prestar da stgaudar avunda ses dachasa – il 2012 eran quai anc 11% che stuevan seser en stanzas fraidas.

Il pli ferm schelar sto la populaziun en la Bulgaria: Là na po 30,1% da la populaziun betg sa prestar da stgaudar. Fraid han dentant er ils Lituans. Per passa in quart da la populaziun è il stgaudament memia char. En la Cipra schela mintga tschintgavel a chasa, ed en il Portugal e la Grezia han 18 fin 19% da la populaziun fraid l'enviern a chasa. Quai mussan las pli novas cifras da l’Uffizi europeic da statistica Eurostat dal 2019.

Nagliur en l’Europa han locataris uschè paucs quitads pervi dals custs dal stgaudament sco en Svizra. Sulet 0,3 pertschient da la populaziun sto spargnar en Svizra tar la pigna. Sumegliant confortabel sco ils Svizzers e las Svizras vai er cun ils Norvegiais, Austriacs, Finlandais e Svedais. Be 1 fin 2% da lur populaziun sto avair fraid a chasa l'enviern pervi dals custs da stgaudament.

Ord l'archiv:

video
La pigna scalegl - il cor da la chasa (Der Specksteinofen - das Herz des Hauses)
Or da Cuntrasts dals 29.10.2006.
laschar ir. Durada: 25 minutas 29 Secundas.

RTR novitads 08:00

Artitgels legids il pli savens