Siglir tar il cuntegn

Header

cuntegn

Custs da tractament Cumissiun propona cassa da malsauns per praschuniers

Praschuniers ston vegnir protegids meglier da malsognas d'infecziun ed autras malsognas transmissiblas cun sex u entras sang. Vitiers duain las autoritads introducir per tut ils praschuniers ina cassa da malsauns obligatorica, propona la cumissiun naziunala per la prevenziun da tortura.

Entras l’assicuranza duai vegnir garantì che tut las persunas arrestadas en Svizra survegnian access al provediment da sanadad. Plinavant stoppia dar mesiras standardisadas en las praschuns per proteger la transmissiun da malsognas. In project da pilot haja numnadamain mussà che la consultaziun medicinala en praschuns na vegnia betg adina fatga durant il temp perscrit.

La cumissiun ha publitgà in rapport nua ch'ella ha examinà sche tut ils principis naziunals ed internaziunals vegnan resguardads ord vista dal provediment da la sanadad. En quel constatescha ella ch'i dat modalitads tar la participaziun vid ils custs da tractaments medicinals che cuntrafan a l'urden d'egualitad.

La cumissiun propona perquai d'introducir per tuttas praschunieras e tuts praschuniers ina cassa da malsauns obligatorica. Vitiers fissi inditgà d'armonisar en l'entira Svizra la participaziun als custs.

RR novitads 12:00