Siglir tar il cuntegn

Header

cuntegn

Custs da viver En il Vallais vivan famiglias il pli bunmartgà

En il rom dal studi (RDI-indicatur, Regional Disponible Inome) han economs fatg il quint tgi che viva nua il pli bunmartgà. En il rom dal studi han els quintà per differentas classas da paja e cumposiziuns da famiglia quants daners che restan la fin dal mais suenter ch'igl è vegnì tratg giu custs fixs sco tschains-chasa, taglias u daners per la tgira d'uffants.

Differenzas tar ils custs per la tgira d'uffants

Famiglias cun uffants han ils pli blers daners a disposiziun sch'ellas vivan en il Grischun, il Vallais u il Tessin. Quai che pertutga ils custs per la tgira d'uffants datti però marcantas differenzas tut tenor vischnanca e chantun. Ina famiglia cun dus uffants che ha entradas tenor la paja mediana da 110'000 francs paja a Wollerau (SZ) u Mendrisio (TI) mintg'onn pli pauc che 5'000 francs per la tgira d'uffants. A Wetzikon (ZH) pajass la medema famiglia radund 24'000 francs.

Per pèrins senza uffants u per pensiunads è la vita la pli bunmartgada en ils chantuns Appenzell Dadens, Uri e Glaruna.

audio
Per tadlar curt e cumpact
ord Novitads dals 25.05.2021. Maletg: RTR
laschar ir. Durada: 59 Secundas.

RTR novitads 15:00

Artitgels legids il pli savens