Ils custs per las prestaziuns supplementaras èn s’augmentadas l’onn passà per 0,8% sin 4,9 milliardas francs. Quai ha communitgà l’Uffizi federal d’assicuranzas socialas. I sa tractia da la pli pitschna rata da creschientscha dapi bunamain dus decennis.
Er il dumber da persunas che retiran prestaziuns supplementaras saja mo s’augmentada per 1,3%. Er il 2016 era il dumber s'augmentà cun mo 1,1% cler sut la media – che munta dapi il 2000 a 3%. Radund 323'000 persunas hajan retratg l’onn passà prestaziuns supplementaras, perquai che la renta da vegliadetgna na basta betg da cuvrir ils custs da viver minimals.
RR novitads 18:00