Siglir tar il cuntegn

Header

cuntegn

Svizra Cyberattatga sin Ruag: engulà dapli che 20 gigabytes datas

Dapli che 20 gigabytes datas èn vegnidas enguladas tar la cyberattatga sin il concern d’armament da la Confederaziun Ruag. Datas privatas na sa chattian betg tranter quellas – però infurmaziuns or da l’uschenumnà register d’admin.

Tar l'attatga da hackers sin il concern d'armament Ruag èn passa 20 gigabyte datas vegnidas enguladas. L'inquisiziun actuala emprova da reconstruir il volum da datas ch'è vegnì engulà, communitgescha il Departament federal per la defensiun DDPS.

Tranter las datas pudessan er esser datas or dal register dals administraturs. Tenor il departament na dettia quai en quest register naginas datas persunalas.

Probabel spiunasch’economica

Tuts indizis laschan supponer ch’i sa tracta d’ina sort spiunasch’economica. Uschia saja quai concret vegnì tschertgà projects actuals da la Ruag. Anc adina betg enconuschent è co ils hackers han pudì entrar en il sistem da la Ruag. Probabel sa basia l’attatga sin e-mails, quai na saja però betg cumprovà.

Per il manader d’informatica èsi cler ch’i sa tracta da la lavur da profis: «Igl è fatg excellent, i na dat betg en egl e na cuntegna nagins sbagls da programmar.» Uschia possian ins sclauder che be ina persuna singula haja attatgà la Ruag.

RR novitads 14:00

Artitgels legids il pli savens