In zic dapli rumantsch en l'administraziun federala. La cumpart da persunas che discurran rumantsch en ils uffizis federals è creschida da 0,3% sin 0,4%. Quai mussa in rapport, che evaluescha la promoziun dal plurilinguissem tranter ils onns 2008 e 2018, ch'il Cussegl federal ha deliberà oz.
Per bunamain 2% è er creschida la cumpart da persunas che discurran franzosas. Dal 2018 è quella cifra stada tar passa 22,1%. In zic damain persunas discurran taglian. La cumpart è ida enavos da 6,7% sin 6,6%. Er la cumpart da persunas che discurran tudestg è sa diminuida. Da 72,6% e quella ida enavos sin 70,8%.
Il rapport tira ina bilantscha positiva quai che pertutga la plurilinguitad en ils departaments. Tenor il rapport exista dentant anc potenzial per meglierament. Uschia propona il rapport per exempel da resguardar pli fitg cun occupar plazzas la plurilinguitad.
Ord l'archiv
L’administraziun plurilingua – in’illusiun?
La Svizra sco naziun na sa basa betg sin ina lingua cuminaivla, mabain sin la voluntad politica. Questa voluntad sa mussa mintga di en l'administraziun federala, nua che 37'000 persunas da differents linguatgs ston communitgar ina cun l'autra.
RTR novitads 12:00