Las pli bleras armas a pitschen caliber en possess civil datti en ils Stadis Unids da l'America – quai tant en media sco era en cifras absolutas. Là vegnan sin 100 abitants 120 armas – en cifras absolutas è quai 393 milliuns armas. Silsuenter segua il Jemen cun 53 armas pro 100 abitants, e lura il Montenegro, la Serbia, il Canada e l'Uruguai.
Las pli paucas armas en l'Asia
En Svizra possedan da 100 abitants 28 almain in'arma a pitschen caliber. En cumparegliaziun internaziunala munta quai che la Svizra è sin posiziun 16. Las pli paucas armas possedan ils abitants en il Giapun e l'Indonesia cun pli pauc ch'ina arma pro 100 abitants. Tenor il studi «Small Arms Survey» èn 85% da las passa ina milliardas armas a pitschen caliber en il possess da civilists.
RR novitads 06:00