Il minister da sanadad Alain Berset vul prolungar la valaivladad dal certificat da corona. Per persunas vaccinadas sco emprimas, scroda en ils proxims mais il certificat. Actualmain vala quel per 12 mais suenter la segunda vaccinaziun – ussa duaja il certificat valair per 18 mais. Quai ha ditg Alain Berset envers las gasettas da Tamedia. La Svizra saja libra da prolungar il certificat da corona a l'intern dal pajais. I na saja dentant anc betg cler, sch'i saja pussaivel dad ir en l'exteriur cun quel, uschia Alain Berset.
La Svizra vegnia era a s'engaschar per ina prolungaziun internaziunala. Per il mument è l'Israel il sulet pajais che pretenda ina terza vaccinaziun per entrar, sche la davosa vaccinaziun u la guariziun è pli ditg enavos che sis mais.