En il deposit temporar a Würenlingen, èn ils elements vegnids chargiads enturn en in grond recipient da transport, quai communitgescha il deposit temporar. Suenter è quest recipient vegnì controllà ch'el saja serrà endretg e vegnì deponì en la halla per ruments radioactivs.
Ils transports èn vegnids fatgs da l'avrigl fin il zercladur e tuttas lavurs èn stadas sut la surveglianza da l'Inspecturat federal da la segirezza nucleara ENSI. I haja dà nagins incaps, ils transports sajan passads tenor plan.
RR novitads 12:00