Siglir tar il cuntegn

Svizra Dà ora tant sco anc mai

Anc mai han ils viagiaturs svizzers dà ora tants daners en l'exteriur sco l'onn passà. Las expensas èn s'augmentadas per 4,7% sin 15,7 milliardas francs. Turists da l'exteriur han dà ora en Svizra 16 milliardas francs, quai è in plus da 2,7%.

a l'eroport, massa glieud che spetga da pudair sgular davent
Legenda: Svizras e Svizzers han dà ora tant sco anc mai per viadis en l'exteriur. Keystone

Radund dus terzs da las entradas da turists esters derivan dal traffic da viagiar cun pernottar. Da las 16 milliardas francs derivan 10,8 milliardas francs da questa sparta. L'Uffizi federal da statistica maina quest svilup enavos sin l'augment da las pernottaziuns en la hotellaria e la parahotellaria. Las expensas tar il traffic dal di e dal transit è numnadamain strusch sa midadas.
Era las Svizras ed ils Svizzers han dà ora dapli en l'exteriur per viadis cun pernottaziun. Da las 15,7 milliardas francs vegnan 11,7 milliardas francs da questa sparta. Quai è in plus da 6,3%.

RR novitads 10:00