Siglir tar il cuntegn

Header

cuntegn

Da tut ils gremis sportivs Svizra pretenda ch'IOC sclaudia funcziunaris russ

La Svizra pretenda dal comité olimpic internaziuna, IOC, ch'el sclaudia funcziunaris che vegnan da la Russia ed il Belarus or da tut las posiziuns impurtantas da federaziuns da sport. La ministra da sport, Viola Amherd ha perquai tramess ina brev al president dal IOC, Thomas Back.

Da la brev han rapportà sonda sco emprim las gasettas da la Tamedia. En vista a la situaziun en Ucraina na tanschia betg pli da sclauder be atletas ed atlets dals dus pajais da concurrenzas en l'exteriur, hai num en la brev, che l'agentura da novitads Keystone-SDA ha en possess. Gia il mars haja in collectiv da naziuns da 30 pajais, tranter auter e la Svizra, pretendì mesiras communablas da federaziuns da sport encunter la Russia ed il Belarus.

La Svizra saja sa posiziunada a moda clera cun il statement, ha communitgà Christoph Lauener, il manader da communicaziun tar l'Uffizi federal per sport. Las federaziun sajan dentant organisadas nà dal dretg privat. L'IOC haja meds bler pli effectivs ch'il stadi e possia excluder federaziuns da la famiglia olimpica.

Ad ina conferenza online dal collectiv da naziuns, la mesemna aveva il directur da l'Uffizi d sport, Mathias Remund, sincerà ch'i dovria ulteriurs pass. La Svizra sco sedia da bleras da quellas federaziuns internaziunalas spetgia uss in ferm segn dal sport.

RTR novitads 12:00

Artitgels legids il pli savens