Siglir tar il cuntegn

Header

cuntegn

Dagmar Rösler «In computer u tablet per mintga scolar»

Purtret da Dagmar Rösler
Legenda: Dagmar Rösler, presidenta da la magistraglia svizra. Keystone

La presidenta da la magistraglia svizra, Dagmar Rösler è da l'avis ch'i faschess senz'auter senn d'avair in computer u in tablet per mintga scolar u scolara a partir da la terza classa. Quai ha ella declerà en in'intervista cun la «NZZ am Sonntag» Uss che las scolas sajan serradas sa mussian grondas differenzas sche uffants hajan in computer u betg. Quai tutgass en sasez tar il provediment da basa.

Be quai na tanschia dentant betg. I dovria er in sustegn tecnic e pedagogic, sco era scolaziuns en questa direcziun.

«I dovra l'instrucziun en scola»

La forsch tranter ils nivels en scola s'avria adina pli fitg, pli ditg ch'il lockdown cuzzia. Ins sentia gia durant il temp normal fitg, tge uffants che survegnian sustegn a chasa e tge uffants betg. Gist cura ch'i giaja per la tecnica, n'hajan betg tuts las medemas pussaivladads. En la crisa da corona ch'ils uffants stoppian lavurar fitg sur sasez a chasa sentian ins quai anc pli fitg. Perquai saja fitg impurtant dad er puspè pudair instruir en scola, per puspè nivellar ora las differenzas, per che scolars possian era declerar a scolars e betg be la magistraglia, ma er per puspè avair ils contacts socials. Quai na possian ins betg remplazzar online.

Er la presidenta da la magistraglia grischuna, Sandra Locher Benguerel, è da l'avis che l'instrucziun a chasa na po betg remplazzar cumplet l'instrucziun en scola:

RTR, novitads 11:00

Artitgels legids il pli savens

Ir a sanester Ir a dretg