Cun sulet 137 vuschs differenza han ils votants e las votantas da Moutier decidì ils 18 da zercladur 2017 ch'els vulan bandunar il chantun Berna e midar tar il chantun Giura. Il november da l'onn passà ha dentant la prefecta da Berna annullà la decisiun. Ella ha approvà sis da set recurs cunter la votaziun. Sinaquai han ils aderents lura inoltrà in recurs tar la Dretgira administrativa chantunala. Quella ha entant confermà la decisiun da la preinstanza.
Valentin Zuber, pledader dal comité «Moutier ville jurassienne» declera che lur vart sa sentia «smerdada e malchapida»:
La decisiun po anc vegnir tratga vinavant al Tribunal federal. Uschia pudessi anc durar mais enfin ch'igl è cler, sch'il resultat da la votaziun communala è valaivel u betg.
RR novitads 09:00
