Siglir tar il cuntegn
cuntegn

Svizra Damain cumpetenzas per la KESB e dapli dretgs per las famiglias

Oz è vegnì lantschà in'iniziativa a Berna che vul restructurar la KESB.

In bul cun l'inscripziun da la KESB - Kinder-und Erwachsenenschutzbehörde
Legenda: In'iniziativa duai sfurzar la reorganisaziun da la KESB. Keystone

«KESB - dapli protecziun da la famiglia» è il titel da l'iniziativa ch'è vegnida lantschada oz a Berna. L'idea: reducir las cumpetenzas da las autoritads per la protecziun d’uffants e creschids KESB e rinforzar ils dretgs da members da la famiglia. Il comité da l’iniziativa sa cumpona per gronda part d’exponents da la partida populara svizra.

Dretg manglus

Il dretg vertent saja manglus e in privel d’abus saja evident, ha ditg il president dal comité da l’iniziativa. Uffants e giuvenils na vegnian betg sustegnids, mabain administrads. Suenter las vacanzas da stad vul il comité cumenzar cun rimnar suttascripziuns.

RR novitads 16:00