Durant l'avrigl 2019 èn 1'717 persunas en Grischun stadas senza lavur. Cumpareglià cun avant in onn èn quai radund 300 persunas pli pauc. Cumpareglià cun l'avrigl dal 2018 è la quota da dischoccupaziun en Grischun uschia sa reducida dad 1,9 sin 1,6%.
Cumpareglià cun il mars da quest onn è il dumber da dischoccupads però creschì l'avrigl per 580 persunas. La quota da dischoccupaziun muntava il mars anc ad 1.0%. L'augment relativ aut da la dischoccupaziun l'avrigl stat en connex cun la fin da la stagiun d'enviern en il turissem grischun.
Legenda:
Dumber da dischoccupads: Cliccar sin ils onns per activar e deactivar las lingias per cumparegliar la dischoccupaziun da differents onns
Cifras da l'Uffizi d'industria, mastergn e lavur GR (stan 09-08-2019)
Legenda:
Quota da dischoccupaziun: Cliccar sin ils onns per activar e deactivar las lingias per cumparegliar la quota da dischoccupaziun da differents onns
Cifras da l'Uffizi d'industria, mastergn e lavur GR
Guardà sur l'entira Svizra è il dumber da dischoccupads sa reducì da 112'341 il mars sin 107'298 l'avrigl. La quota da dischoccupaziun è sa reducida da 2.5% sin 2,4%.
RR novitads 09:00