En tut ha il Secretariat da stadi per migraziun dumbrà dal schaner fin il zercladur 7’820 dumondas d’asil. Quai èn 14,3% damain che l’emprim mez onn dal 2017. Questa digren saja da cumparegliar cun la situaziun generala en l’Europa, scriva il Secretariat da stadi.
Spetgà dapli dumondas
Il schaner aveva il Secretariat da stadi per migraziun anc quintà cun 20’000 dumondas d’asil, per l’entir onn 2018. Fin uss sajan dentant damain migrants che quintà arrivads nà da la Libia e da la Tunesia. Raschuns èn tenor las autoritads la posiziun restrictiva da l’Italia da retschaiver fugitivs, e las mesiras da l’Uniun europeica envers ils migrants sin bartgas.
RR novitads 16:00