Sco stgars cuntentaivla numna l’uniun tetgala dals sindicats svizzers Travail.Suisse il resultat da las contractivas davart ils auzaments da paja per l'auter onn. Nagins augments han ils sindicats cuntanschì per ils emploiads da l’industria d’uras e da l'industria grafica. Mo er en la mastergnanza e tar il persunal da la Confederaziun na datti nagins augments.
Blers resultats anc averts
Ils gronds augments en l’industria survegnan sco savens ils emploiads da l’industria da chemia e da farma, numnadamain enturn 1%. Bleras contractivas en l'industria n'èn dentant anc betg terminadas. La dumonda da las pajas 2017 è era averta en l’industria da construcziun.
RR novitads 11:00