Il schef da concern da Nestlé, Paul Bulcke, ha survegnì l'onn passà in'indemnisaziun totala da 9,1 milliuns francs. Vitiers ha Nestlé pajà per Bulcke 2,1 milliuns francs en la cassa da pensiun.
Il president dal cussegl d'administraziun, Peter Brabeck ha survegnì in'indemnisaziun da 5,7 milliuns francs.
Era ils acziunaris duain tuttina survegnir ina dividenda pli auta da 2,25 francs per aczia – suenter 2,20 francs l’onn avant.
Damain gudogn e svieuta
Cumpareglià cun l'onn avant è il gudogn sa reducì per 37,4% sin 9,1 milliardas francs. La svieuta è sa reducida per 7,4% sin 88,8 milliardas francs.
Surtut il scandal da tagliarins en l'India e las fatschentas magras en la China hajan franà il concern. Quai communitgescha Nestlé.
L'onn passà aveva Nestlé però pudì profitar da la vendita da sia participaziun vid il concern da cosmetica L'Oréal.
RR novitads 08:00