La banca Raiffeisen n'ha strusch patì da l'affera Vincenz. L'emprim semester dal 2018 ha Raiffeisen gudagnà 416.3 milliuns francs. Quai èn 4,1% pli pauc cumpareglià cun la medema perioda da l'onn passà. Quai ha communitgà la banca. En la fatschenta da coc hajan ins registrà in svilup positiv, malgrà las turbulenzas dals davos mais.
Stritgà dapli plazzas
Suenter che Raiffeisen ha vendì la banca privata Notenstein a Vontobel van ulteriuras 50 plazzas a perder. Quellas vegnan reducidas tar Raiffeisen e tar la firma dad IT Arizon. Quai communitgescha l'uniun da persunal da banca SBPV. Gia enconuschent era che radund 140 plazzas ston vegnir reducidas tar la banca Notenstein sezza.
RR novitads 08:00
