Siglir tar il cuntegn

Svizra Damain morts sin las vias svizras

Sin las vias svizras èn mortas 109 persunas l'emprima mesadad da quest onn. Cumpareglià cun l’onn avant èn quai 7 damain, quai resulta dal register d’accidents da l'Uffizi federal da vias ASTRA.

Sin las vias svizras hai dà damain morts e grevs blessads ils ultims 6 mais.
Legenda: Sin las vias svizras hai dà damain morts e grevs blessads ils ultims 6 mais. Keystone

Tut en tut èn 1655 persunas vegnidas blessadas grevamain, 350 damain ch’il 2014. Entant ch’il dumber dals grev blessads tar ils peduns è sa reducì per 25% sin 252 è il dumber dals disgraziads mortalmain creschì per 8 sin 25 persunas. Passa dus terzs da las unfrendas eran 65 onns u pli veglias.

Damain blessads tar ils velociclists

Tar ils velocipedists è il dumber dals accidents mortals sa reducì per 7%, tar ils motociclists è quel restà tuttina. En omaduas categorias hai dà damain grev blessads.

RR novitads 12:00