Siglir tar il cuntegn

Svizra Damain pajaments al spurtegl da posta

Adina dapli clients da posta pajan ils quints online. Il dumber da pajaments al spurtegl è il davos onn sa reducì per 5,7%. Ils spurtegls restan dentant impurtants per clientas e clients.

pajament al spurtegl da la posta.
Legenda: L'Uffizi federal da communicaziun attesta a la posta d'ademplir ses pensum dal service public. Keystone

Sco la posta scriva en ses rapport, han l’onn passà 200'000 persunas dapli fatg lur pajaments online, en tut sajan quai 1,76 milliuns clientas e clients. Percunter è il dumber dals clients che fan anc pajaments al spurtegl sa reduci l’onn passa per 5,7%. Tuttina èn anc 146 milliuns pajaments e 20 milliuns sbursaments vegnids reglads al spurtegl. Quai mussa ch'il spurtegl resta vinavant impurtant, scriva l'Uffizi federal da communicaziun.

Posta ademplescha pensum per provediment da basa

L’Uffizi federal da communicaziun scriva che la Posta adempleschia ses pensum per il provediment da basa. 96,7% da la populaziun possia entaifer ina mesa ura cuntanscher a pe u cun meds publics ina posta, prescrit èn almain 90% da la populaziun cun in tal access, scriva l’uffizi.

RR novitads 14:00