Adattada è questa cifra vegnida, suenter che la SSR ha planisà en detagl las mesiras da spargn. Quai ha ditg ina pledadra da la SSR a l’agentura da novitads Keystone-SDA, ed uschia confermà in rapport da la televisiun romanda RTS.
Gia suenter ch’il suveran svizzer aveva sbittà l’iniziativa No-Billag il mars da quest onn, aveva la SSR annunzià da vulair spargnar enturn 100 milliuns francs. Il zercladur lura hai dà emprims detagls da las mesiras da spargn, tranter auter che RTR ha da spargnar in milliun francs. Il cussegl d’administraziun da la SSR ha inditgà sco ina raschun, la decisiun dal Cussegl federal da plafonar las entradas entras taxas. Sco segunda raschun valan las entradas da reclama che sa reduceschan adina pli fitg.
RR actualitad 16:00
