La pli gronda assicuranza da vita Swiss Life ha stuì nudar ina reducziun da las premias il prim quartal da l'onn. Cumpareglià cun la fin da l'onn èn quellas idas enavos per 2% sin radund 6,5 milliardas francs.
La raschun per questa reducziun numna Swiss Life surtut la fatschenta pli flaivla tar las assicuranzas da vita classicas. Quellas fan ora 70% da tut las premias.
Pervia dals tschains bass n'èsi strusch pli pussaivel da far renditas. Swiss Life vul ussa perquai sa concentrar pli fitg sin l'administraziun da finanzas e la fatschenta da servetsch.
