Uschia han las dretgiras sentenzià il 2015 radund 12’100 giuvenils. Quai communitgescha l’Uffizi federal da statistica. Quai èn 2% pli pauc en cumparegliaziun cun l’onn 2014 e schizunt 21% pli pauc en cumparegliaziun cun il 2011.
Ils blers delicts commess da giuvenils èn consum e possess da drogas illegalas, sco er enguladitschs. Quai scriva l’Uffizi da statistica. En bun la mesadad dals cas èn ils giuvenils vegnids sentenziads a lavurs da schubregiar u a la participaziun a curs. En 26% dals cas èn ils giuvenils vegnids admonids, en 20% ad in chasti. Be 7% han stuì ir en praschun.
RR novitads 12:00