Siglir tar il cuntegn

Svizra Damain svieuta e gudogn per Novartis

L'emprim mez onn ha il concern farmaceutic fatg 1% pli pauc svieuta e 3% pli pauc gudogn ch'anc il 2016.

Bajetg da Novartis a Basilea.
Legenda: Fin il 2019 vul Novartis stritgar fin 500 plazzas a Basilea. Keystone

Il concern farmaceutic Novartis ha fatg l'emprima mesadad da l'onn ina svieuta da 23,8 milliardas dollars. Quai è 1% pli pauc ch'ils emprims sis mais da l'onn passà, uschia communitgescha il concern da Basilea. Il gudogn è sa reducì per 3% sin 5,6 milliardas dollars.

Sco motiv per la reducziun numna Novartis il squitsch da pretsch da generica. Fin il 2020 vul il concern spargnar ina milliarda dollars. Il matg ha il concern annunzià da stritgar perquai fin 500 plazzas da lavur a Basilea. Il medem mument è dentant er planisà da stgaffir 350 plazzas da lavur.

RR novitads 07:30