In stizuns e supermartgads svizzers è vegnì cumprà damain rauba il mars cumpareglià cun l’onn avant. Tenor l’Uffizi federal per statistica èn las svieutas sa reducidas per 4,6%.
Ina raschun ch’i ha dà damain daners en cassa èn ils pretschs pli favuraivels. Plinavant è il dumber da rauba vendida ida enavos il mars per 2,3% cumpareglià cun il mars 2014. Las stizuns pateschian anc adina che blers van sur cunfin a cumprar en dapi la fin dal curs minimal da l'euro.
