La cumissiun d’economia dal Cussegl naziunal vul francar la taxa speziala da la taglia sin la plivalur per la hotellaria permanentamain en la lescha. La cumissiun dal Cussegl dals chantuns perencunter vuleva sulettamain prolungar quella.
Tschintg giadas prolungà la taxa speziala
La tariffa speziala per la hotellaria era vegnida introducida il 2001 dapi lura ha il parlament prolungà quella tschintg giadas. Actualmain munta la tariffa a 3,8%. La taxa normala per la taglia sin la plivalur ad 8%.
La taxa speziala per la hotellaria vegn giustifitgada cun las difficultads da la branscha e la midada structurala e las midadas dal curs da scomi. Ina minoritad da la cumissiun era dal avis che cun fixar la taxa speziala en la lescha vegnia quai fatg politica structurala.
RR novitads 12:00